•  Massinissa

Immut wawal izîln
iqqar udinan,
nemyar gh umarir
kra imurign d-urarn,
iglula ass ad izug
ura sul izzâd awal
kemmin
tsult tezzîdert sul I tagatin
tâdfi nem
awal iddern gh wafa n idurar
d taghlaghalt
ma bedda addernt ar ass lli gguran
ighd a yekturn tîtt inu
ayenna zêrragh
kemmin
igh gim annigh
issanegh mad annigh
tiffawin da ggim ikkaten
ufent azêllay
immet kra illan
ajjiyyi nekki ad iligh
tama nem
ad reqqagh
nekks asêmmid i wul
ass an kmin mdêln
nemdêl nekki d iwent
inna s rad kcemgh
neknu nekks idukan
nbendeq
I waggu d ûzru netta d ulus
neksûd gh imula n ifrawen lli dêrnin
kemmin
ar gim nettal ixf inu s igenwan
ghar akem kcemgh naf gitunt tiderfit
ghar akem lsagh ur agh sul ittagwer yan
lulagh d
ar ttaddumegh s timeqqa n wattân
neg zund SIZYPHE
nbûkd irigh ad awengh
i wudrar n tudert asigh aggas negh
tissi nu
imettâwn gh tiremt ad allagh
ar nttaru imettâwn zund tizêrmin
tizi lligh ssengh is teddert ad lligh
kkisegh iskraf imyuragh ad inigh
iskraf
ar zzûzayn wanna tnid ilan
imettâwn
ar ssergamen gin agh azawar

  • Traduction

Pour toi qui résiste au bord de l’abîme
Toi qui souffre en silence
Toi dont les pleurs retentissent dans notre ciel
D’indifférence
Toi qu’on traîne dans les dédales de l’oubli
Toi, effrayée par l’oubli
Ornée par des perles éteintes
Lorsque j’ai su que tu existes toujours
J’ai brisé mes chaînes
Et voulu te rejoindre